Ikipe ya Arsenal yashyikirijwe Igikombe cya Shampiyona y’u Bwongereza, England Premier League, cya 2025/26 nyuma yo kucyegukana Shampiyona itararangira.
Kuri iki Cyumweru, tariki ya 24 Gicurasi 2026, ni bwo imikino isoza Shampiyona y’u Bwongereza yakinwaga kuko bari bageze ku mikino ya nyuma y’umunsi wa 38 mu mukino yahuragamo na Crystal Palace warangiye ari ibitego 2 bya Arsenal kuri 1 cya Crystal Palace.
Ibitego byatsinzwe na Gabriel Jesus na Noni Madueke ku ruhande rwa Arsenal mu gihe icya Crystal Palace cyatsinzwe na Jean-Philippe Mateta.
Arsenal yashoje iyoboye shampiyona n’amanota 85, yakurikiwe na Manchester City yo yasoje ifite amanota 78, nyuma yo gutsindirwa na Aston Villa mu rugo ibitego 2-1.
Amakipe ya West Ham United, Burnley na Wolverhampton yamanutse mu cyiciro cya kabiri, na ho Tottenham irarokoka kuko yatsinze Everton igitego 1-0.
Erling Haaland wa Man City watsinze ibitego 27 muri uyu mwaka w’imikino, ni we wayoboye abandi mu kwinjiza byinshi, Bruno Fernandes akora amateka yo gutanga imipira myinshi ivamo ibitego mu mwaka umwe, kuko yatanze 21.
