Ikigo cy’Igihugu gishinzwe Ibizamini n’Ubugenzuzi bw’Amashuri, NESA, cyatangaje ko ingendo z’abanyeshuri biga bacumbikirwa bazatangira mu gutangira igihembwe cya gatatu zizatangira kuva ku wa 17-20 Mata 2026.
Mu itangazo iki Kigo cyatangaje kuri uyu wa 10 Mata 2026, rigaragaza ko abanyeshuri bazabimburira abandi gusubira ku ishuri ari abo mu Turere twa Ruhango, Gisagara, Ngororero, Nyagatare, Gatsibo na Musanze bazagenda ku wa 17 Mata 2026.
Hazakurikiraho abiga mu Turere twa Huye, Nyamagabe, Nyabihu, Rubavu, Burera, Rwamagana na Kayonza bazagenda ku wa 18 Mata.
Iri tangazo rikomeza rigaragaza ko abiga mu Turere twa Nyanza, Kamonyi, Karongi, Rutsiro, Rulindo, Gakenke, Ngoma na Kirehe bo bazatangira kugenda ku wa 19 Mata 2026.
Naho ku wa 20 Mata 2026 hagende abiga i Muhanga, Nyaruguru, Rusizi, Nyamasheke, Bugesera, Gicumbi, Nyarugenge, Gasabo na Kicukiro.
Ababyeyi basabwe kubahiriza gahunda y’izi ngendo, kohereza abanyeshuri hakiri kare ndetse bakabagenera amafatanga y’ingendo azabageza ku ishuri n’azabagarura igihembwe kirangiye.
Abanyeshuri na bo basabwe kugenda bambaye impuzankano y’ishuri bigaho naho abashinzwe uburezi mu turere no mu mirenge bibbutswa gukurikirana izi ngendo n’uko amashuri yiteguye kwakira abanyeshuri bayo.
Nk’uko bisanzwe, ku banyeshuri bahagurukira i Kigali, n’abandi bahanyura berekeza mu ntara, bazajya bafatira imodoka ku kibuga cya Kigali Pele Stadium kandi nyuma ya Saa Cyenda z’amanywa iki kibuga kizajya gihita gifungwa.
