Ubuyobozi bwa Hong Kong bwatanze iminsi itatu yo kunamira abantu 128 bahitanywe n’inkongi y’umuriro iheruka kuba muri uyu Mujyi igahitana abantu 128.
Icyunamo cyatangiye ku wa 29 Ugushyingo 2025, hategetswe ko amabendera y’u Bushinwa na Hong Kong bigomba kururutswa mu rwego rwo guha agaciro abaguye mu mpanuka y’inkongi y’umuriro wibasiye inyubako zo guturwamo.
Mu bice bitandukanye muri Hong Kong hashyizweho ahantu hatandukanye abantu bashobora guhurira bakazirikana ababo baguye muri iyi nkongi.
Kugeza ubu abantu 128 ni bo byemejwe ko bapfuye, nyuma y’aho umuriro wari wibasiye za Wang Fuk Court i Hong Kong , 83 baracyavurwa, mu gihe 150 bataraboneka.
