Ikipe y’Amagaju FC iri ku mwanya wa 16 w’agateganyo muri Shampiyona y’u Rwanda yabonye Umutoza w’Umubiligi Sghir Hammadi wabaye umutoza wungirije wa Young Africans yo muri Tanzania na Al Merrikh SC yo muri Sudani.
Aya makuru yatangajwe nk’iyi Kipe kuri uyu wa Kabiri, tariki ya 3 Gashyantare 2026 nyuma y’uko mu kwezi gushize yatandukanye na Niyongabo Amars wari umutoza wayo n’abungiriza be.
Sghir Hammadi w’imyaka 41 y’amavuko yasinye amasezerano y’amezi atandatu atoza iyi kipe iri ku mwanya wa 16 muri shampiyona aho ibanziriza ebyiri za nyuma.
Uyu Mutoza yahataniraga uyu mwanya n’abarimo Afahmia Lotfi watoje Rayon Sports na Mark Harrison watoje amakipe arimo Gor Mahia FC yo muri Kenya, Harare City na CAPS United zo muri Zimbabwe.
