Umutwe urwanya Ubutegetsi bwa Repubulika Iharanira Demokarasi ya Congo wa AFC/M23 wafashe uduce twa Mukasa na Kasika two muri Kivu y’Amajyepfo isatira Umujyi wa Mwenga uri mu bilometero 20 by’aho yafashe.
Mu mirwano yatangiranye n’iki cyumweru ihanganishije Ingabo za Congo, FARDC n’ihuroro Wazalendo ndetse n’Ingabo z’Uburundi bafatanyije, AFC/M23 yaburukanye mu duce twa Kilungutwe, Kalama na Mutongo.
Ibinyamakuru bitandukanye byo muri DR Congo, bivuga ko Ingabo z’Abarundi zirimo kurwana zonyine kuko Ingabo za leta ya Congo, FARDC na Wazalendo bahunze imirwano nyuma yo gusahura inzu z’ubucuruzi.
Si aho gusa AFC/M23 iri kwagurira imbago kuko no muri Kivu y’Amajyaruguru na ho zahanganye na Wazalendo n’ingabo za Leta mu gace ka Mpombi, muri Gurupema ya Kisimba, ahitwa Banakindi, muri Teritwari ya Walikale.
