UEFA Champions League: Amakipe yo mu Bwongereza yahacanye umucyo

Mu irushanwa ry’amakipe yabaye aya mbere iwabo, UEFA Champions League, amakipe yo mu Bwongereza yitwaye neza kuko Liverpool FC yatsinze Real Madrid 1-0, Arsenal FC itsinda Slavia Prague ibitego 3-0, naho Tottenham itsinda Copenhagen 4-0.
Ikipe ya Arsenal iyoboye Shampiyona y’u Bwongereza, yujuje imikino umunani mu marushanwa yose idatsinzwe kandi itinjijwe igitego, agahigo yasangiye na Preston yo mu Cyiciro cya Kabiri muri Shampiyona y’u Bwongereza yabikoze mu 1889 na Liverpool yabikoze mu 1920.
Bayern Munich na Arsenal ni zo ziyoboye urutonde rw’agateganyo rwa UEFA Champions League n’amanota 12 n’ikinyuranyo cy’ibitego 11 ndetse biteganyijwe ko izi kipe zombi zizasakirana mu mukino w’Umunsi wa Gatanu w’iri rushwanwa.
Uko indi mikino yagenze
Atletico Madrid 3-1 Royale Union Saint-Gilloise
FK Bodø/Glimt 0-1 Monaco
Juventus 1-1 Sporting
Olympiacos F.C. 1-1 PSV
Tottenham 4-0 F.C. Copenhagen
Napoli 0-0 Frankfurt