Umwongereza, Harry Hudson yegukanye Umudali wa Zahabu mu gusiganwa mu muhanda mu bahungu bari munsi y’imyaka 19 ku munsi wa gatanu wa Shampiyona y’Isi y’Amagare iri kubera i Kigali ku nshuro ya 98. Yakoresheje amasaha abiri, iminota 55 n’amasegonda 19 ku ntera ya kilometero 119,3.
Habura ibilometero 36 Harry Hudson yayoboye isiganwa ari imbere wenyine.
Umufaransa Johan Blanc yasoje isiganwa ari uwa kabiri mu gihe Jan Michal Jackowiak wo muri Espagne yabaye uwa gatatu.
Umunyarwanda wabashije gusoza isiganwa muri iki cyiciro ni Moise Ntirenganya waje ku mwanya wa 66 asizwe iminota 14 n’amasegonda 13 na Hudson wabaye uwa mbere.
Abakinnyi 75 ntibabashije gusoza isiganwa ryo kuri uyu wa Gatanu.
